Rusiya hərbçiləri "100 ildə ilk dəfə" Qarabağda ermənilərlə birgə Xaç yürüşü keçirdi - FOTO

"100 ildə ilk dəfə olaraq Dağlıq Qarabağ ərazisində Rusiya sülhməramlı kontingentinin hərbi qulluqçularının və Rusiya və Ermənistandan gələn zəvvarların iştirakı ilə Xristosun Mövludu bayramı keçirilib".

Bu ifadələr bu gün -  noyabrıın 7-i Bakı vaxtı ilə səhər saat 06:00-da Rusiya Müdafiə Nazirliyinin rəsmi saytında yayılmış məlumatdandır.

Rusiya Müdafiə Nazirliyinin saytında qeyd olunur: 

“Bizim kilsəmiz  bünövrəsi 2021-ci il aprelin 12-də qoyuldu və həmin il noyabrın 4-də Rusiya sülhməramlı kontingentinin Dağlıq Qarabağdakı Məsihin Doğum kilsəsi artıq “işıqlandırıl”dı. Bu hərbçi məbədi qısa müddətdə kontingentin komandanlığı və şəxsi heyətinin, Stepanakert şəhərinin sakinlərinin səyi ilə ucaldılıb. Bu gün biz kilsəmizdə ilk bayram gününü qeyd edirik. Bu, sakinlərinin çoxdan əziyyət çəkdiyi Dağlıq Qarabağ torpağında sülhün və əmin-amanlığın bərpasına öz töhfəsini verən Rusiyanın sadiq övladlarını bir daha şərəfləndirmək üçün bir fürsətdir”, - deyə Rusiya sülhməramlı kontingentinin Məsihin Doğum Kilsəsinin rəhbəri Vadim Valınkin bildirib. Yeni tikilmiş Məsihin Doğum Kilsəsindəki Rusiya sülhməramlı kontingenti birləşmələrinin  dislokasiya ərazisində 200-dən çox hərbi qulluqçu və 100 zəvvarın iştirak etdiyi xaç yürüşü ilə başa çatan Milad mərasimi keçirilib”.