"Baltikyanını 2004-cü ildə NATO-ya birləşdirmək səhv olub" - Amerikalı ekspert

Amerikanın Katon İnstitutunun böyük elmi işçisi Ted Qalen Karpenter belə bir fikir səsləndirib ki, NATO-nun tərkibinə bir sıra ölkələr daxildirlər və onlar hərbi-siyasi blok üçün tam səmərəsizdirlər.

Bu barədə "RuBaltik.ru" yazıb.

Onun sözlərinə görə, NATO-nun tərkibinə elə dövlətlər daxildirlər ki, onların müdafiəsi ağır yük olaraq ABŞ-ın üzərinə düşür və Vaşinqtonu onun üçün sərfəli olmayan müharibəyə çəkə bilər.

Amerikalı ekspert göstərir ki, Albaniyanın, Sloveniyanın, Çernoqoriyanın və Şimali Makedoniyanın iqtisadi və müdafiə potensialı böyük deyil, ona görə də onların NATO-da olması təşkilatın toplam gücünü artırmır.

"2004-cü ildə Baltikyanı respublikaların birləşdirilməsi bu prosesdə ən təhlükəli addım oldu. Kiçik Balkan ölkələrinin NATO-ya sonrakı birləşdirilməsi zamanı olduğu kimi, Baltikin 3 ölkəsi hərbi potensial nöqteyi-nəzərincə çox şey təklif edə bilməz. Estoniyada 6700 hərbçi, Latviyada 5500 hərbçi və Litvada 20500 hərbçi böyük əhəmiyyət kəsb etmir, əgər NATO və Rusiya müharibəyə başlayarsa" - Karpenterin məqaləsində deyilir.

Məqadə "National İnterest" jurnalında dərc olunub.

Müəllif qeyd edir ki, Baltikyanı ölkələr ABŞ üçün etibarlı strateji aktiv deyil.