"NATO- Rusiya müharibəsi təsəvvür edilməzdir, amma biz, buna hazırıq" - Latviyanın Baş naziri
Latviyanın Baş naziri Krişyanis Karinş Qərb ölkələrinin vahid mövqedə olduğunu bəyan edib. Bu, onun fikrincə, cari həftə ərzində - Rusiya nümayəndə heyətinin ABŞ, NATO və ATƏT nümayəndələri ilə ünsiyyətdə olduğu vaxt müşahidə olunub.
Amerika-Rusiya danışıqlarını qiymətləndirərkən Baş nazir qeyd edib ki, ilk müsbət nəticə o olub ki, danışıqlar baş tutub, - bb.lv yazır.
"Bu danışıqlarda ABŞ-ın mövqeyi ondan ibarətdir ki, NATO ölkələri çiyin-çiyinə dayanıb. Amma elə həmin vaxt Rusiyanın aqressiv ritorikası açıq görsənir. Yaxşı xəbər ondan ibarətdir ki, Qərb dünyası birlikdə dayanır. Və bu, bizim üçün çox yaxşı yenilikdir" - Karinş TV3 telekanalına müsahibəsində izah edib.
O, bəyan edib ki, Rusiya NATO-ya diktə edə bilməz ki, hansı ölkələr alyansa daxil olmalıdır, həm də NATO harada ordusunu yerləşdirməlidir. İndiki geopolitik qeyri-sabitliyin ən pis nəticəsi, Karinş etiraf edib, ən pis ssenari müharibə olardı.
"Əgər müharibə olarsa, o zaman NATO hazırdır" - Karinş deyib. O, qeyd edib ki, Rusiya və NATO arasında müharibə, demək olar, təsəvvür olunmazdır, belə ki, o, dünya miqyaslı münaqişə olacaq.
