Qazaxıstanda ömürlük vəzifələr ləğv olunur
Qazaxıstanın birinci prezidenti Nursultan Nazarbayev Qazaxıstan Xalq Assambleyasında və Təhlükəsizlik Şurasında ömürlük sədrlik hüququnu itirəcək. Müvafiq düzəlişləri ölkə parlamenti qəbul edib.
Bu barədə yerli KİV-lər məlumat yayıb.
Deputat Kanat Nurovun sözlərinə görə, "Qazaxıstan Respublikasının Birinci Prezidenti - Elbası", "Qazaxıstan Xalq Assambleyası haqqında" və "Qazaxıstan Respublikasının Təhlükəsizlik Şurası haqqında" konstitusiya qanunlarına bütün zəruri düzəlişlər Senata göndərilib. Dəyişiklərə əsasən, müvafiq hüquqlar şəxsiyyətinə görə deyil, vəzifəsinə görə təyin ediləcək.
Deputat həmçinin qeyd edib ki, Qazaxıstanda iqtisadiyyatda siyasi inhisarları məhv etmək və faydalı qazıntıların ixracı ilə bağlı maliyyə və valyuta axını ilə məşğul olmaq, onları şəffaflaşdırmaq lazımdır.
