İsrail qırıcıları Tehrana qarşı irimiqyaslı təlimlər keçirir

İsrail qırıcıları Aralıq dənizi üzərində genişmiqyaslı təlimlər, o cümlədən havada yanacaq doldurma təlimləri keçirib.

Londonda yerləşən Səudiyyənin Elaph xəbər portalı tərəfindən yayımlanan xəbərdə, F-15, F-16 və F-35 qırıcı təyyarələri və "Boeing" tankerlərindən ibarət “qeyri-adi böyük” kontingentin cümə axşamı günü hava manevrlərini İsrailin İran qarşı xəbərdarlıq siqnalı kimi təsvir edib. “Times of Israel” yazır ki, İsrail Tehranın nüvə proqramını dayandırmaq üçün hərbi addımlar atmaqla hədələyir.

Adı açıqlanmayan ərəb mənbəsinə istinadən Elaph yazır ki, geniş manevrlər Aralıq dənizi üzərində baş verib. Xarici xəbərləri nadir hallarda şərh edən İsrail rəsmiləri ilə əlaqə saxlamaq mümkün olmayıb.

Havada yanacaq doldurmaq üçün İsrail donanmasından istifadə, İsrailin İranın nüvə obyektlərinə hücum planlaşdırdığını, Tehrana və dünyanın qalan hissəsinə hazırlıqlarını nümayiş etdirmək istədiyinin ən inandırıcı işarəsidir.

İsrail nadir hallarda tanker təyyarələrinin təlimlərdə istifadəsini elan edir, lakin bəzən bunlardan sərgilərdə  istifadə olunur.