"Türkiyə mallarına tədbiq edilən embarqo heç bir müsbət nəticəyə gətirib çıxarmayıb" - Ermənistanın iqtisadiyyat naziri
Türkiyə mallarına tədbiq edilən embarqo heç bir müsbət nəticəyə gətirib çıxarmayıb”
“Türkiyə mallarına tədbiq edilən embarqonun Ermənistan bazarına tədarükünə iqtisadi təsiri qısa müddətdə müsbət təsir göstərməyib”.
“Armenia Today” xəbər verir ki, bunu ölkənin iqtisadiyyat naziri Vaan Kerobyan deyib.
Onun sözlərinə görə, erməni istehsalçıları tərəfindən “boş yerləri doldurmaq” cəhdləri olub, lakin bu addımlar iqtisadiyyata ciddi təsir göstərməyib.
“Bundan başqa, embarqo inflyasiyanın artmasına da səbəb olub - digər ölkələrdən gətirilən mallar Türkiyədə istehsal edilən analoqlardan orta hesabla daha bahadır”, - deyə nazir bildirib.
Qeyd edək ki, ötən il dekabrın 30-da Ermənistan hökuməti Türkiyə mallarının idxalına 2021-ci il yanvarın 1-dən dekabrın 31-dək qüvvədə olan embarqonun müddətini uzatmamaq barədə qərar verib.
