Rusiya hərbçiləri Qarabağda PUA-larla tapşırıqlar icra etdi

"Rusiya sülhməramlı kontingentinin şəxsi heyəti Dağlıq Qarabağda tərəflərin ayrılma xətti boyunca atəşkəs rejiminə riayət olunmasına nəzarət üzrə tapşırıqları yerinə yetirib. Dağlıq Qarabağda vəziyyətə nəzarət Rusiya sülhməramlıları tərəfindən əlverişli hava şəraitində pilotsuz uçuş aparatlarından istifadə etməklə gecə-gündüz həyata keçirilir".

Bu, Rusiya Müdafiə Nazirliyinin rəsmi saytında  Bakı vaxtı ilə saat 06:00-da yayılmış məlumatdandır.

""Orlan-10" operatorları həftənin 7 günü 24 saat havadan müşahidə aparır. Ötən müddət ərzində atəşkəs rejiminin pozulması qeydə alınmayıb”, - Rusiya sülhməramlı kontingentinin nümayəndəsi Konstantin Yeqorov bildirib.

"Rusiya sülhməramlıları nəzarət məntəqəsində pilotsuz uçuş aparatlarından real vaxt rejimində məlumat və görüntülər alır və orada  Dağlıq Qarabağın məsuliyyət zonasına daxil olan bütün ərazisində vəziyyətin gecə-gündüz monitorinqi həyata keçirilir. Nəzarət postunda şəxsi heyətin bütün hərəkətləri real vaxt rejimində təhlil edilir və müşayiət olunan avtomobil karvanlarının hərəkətinə də nəzarət edilir" - Rusiya MN-in yaydığı xəbərdə belə deyilir.