Laçının tarixi ilə bağlı ermənilərin daha bir saxtakarlığı - FOTO

“Bəhs edilən xəritəni təqdim edən məxluq qeyd edir ki, guya  1923-cü ildə Abdallar məntəqəsi Ermənistan SSR-in tərkibinə aid olub...”

"1923-cü ilin topoqrafik xəritəsini sizə təqdim edirəm. Diqqət edin ki,  Ermənistan SSR ilə DQMV arasında ümumi quru sərhədi olub və hətta Berdzor şəhəri (xəritədə Abdallar kəndi kimi qeyd olunub) Ermənistan SSR-in tərkibində olub".

Bu saxtakar cümlələr “RepublicofNorthernArtsakh” erməni teleqram-kanalında yayılıb.

Xəritəni təqdim edən müəllif qeyd edir ki, guya 1923-cü ildə Abdallar məntəqəsi Ermənistan SSR-in tərkibinə aid olub. Halbuki, diqqətlə baxanda aydın görünür ki, 1926-cı ildən Laçın şəhəri adlanmış həmin məntəqə Azərbaycan SSR sərhədlərinin daxilindədir. Sadəcə, xəritənin miqyası kiçik olduğundan və o dövrün xəritələri qeyri-dəqiq çəkildiyindən məntəqənin işarəsi Ermənistanla sərhədə çox yaxın düşüb, “Abdallar” sözü isə Ermənistan sərhədi daxilində yazııb.

Qeyd: Digər bir uydurma Ermənistan SSR-in keçmiş Dağqlıq Qarabağ Muxtar Vilayəti ilə ümumi quru sərhədinə malik olması ilə bağlı səslənən iddialardır. Belə bir tarixi fakt da yoxdur. Sadəcə yenə də xəritənin qeyri-dəqiq çəkilməsi ucbatından Abdallar yaxınlığında  Azərbaycan SSR, Ermənistan SSR və keçmiş DQMV-nin sərhədləri bir nöqtədə qovuşur.