"Məgər mən ABŞ sanksiyalarına layiq deyiləm?" - Lavrovdan ironiya
Rusiyanın xarici işlər naziri Sergey Lavrov ABŞ-ın ona qarşı mümkün sanksiyaları ilə bağlı zarafat edib.
Bu haqda Qazeta.ru məlumat yayıb.
Rusiya baş diplomatının bir neçə radiostansiyaya müsahibəsi zamanı “Danışır Moskva jurnalının baş redaktoru Roman Babayan xatırladıb ki, ABŞ-ın Rusiya rəhbərliyinə qarşı sanksiyaları potensial olaraq tətbiq oluna bilər.
“Onlar bütün ölkənin rəhbərliyinə qarşı sanksiyalar tətbiq etməyə hazırdırlar: hətta sizə və prezidentə qarşı”, - Babayan bildirib.
"Sən nə demək istəyirsən? Məgər mən həmin sanksiyalara layiq deyiləm?" - deyə Lavrov zarafatla cavab verib.
Sonra radio rəhbəri nə demək istədiyini izah edib:
“Demək istədiyim odur ki, tarixdə xarici işlər nazirinə və prezidentə qarşı sanksiyalardan danışmaq kimi bir şey olmayıb. Bu, sadəcə inanılmaz bir hekayədir".
Xatırladılır ki, Demokratlar Partiyasından olan amerikalı senatorlar yanvarda Rusiyaya qarşı ölkə rəhbərliyinə qarşı məhdudiyyətləri özündə əks etdirən yeni sanksiyalar paketinin layihəsini hazırlayıblar. O cümlədən, senatorlar Ukraynaya müdaxilə halında Rusiya prezidenti Vladimir Putin, baş nazir Mixail Mişustin, xarici işlər naziri Sergey Lavrova və müdafiə naziri Sergey Şoyquya qarşı sanksiyalar tətbiq etməyi təklif ediblər. Sonradan məlum olub ki, Rusiya rəhbərliyinə qarşı sanksiyalar təxirə salınıb.
