Deputatlar söyüşdən və balıqdan danışdılar

“Bu yaz sessiyasında nəhayət, sosial sifariş olan “Sosial şəbəkələr haqqında” qanunun qəbul edilməsini təklif edirəm”.

Milli Məclisin yaz sessiyası çərçivəsində keçirilən ilk plenar iclasında deputat Elman Nəsirov belə deyib.

Deputat bildirib ki, sosial şəbəkələrdə söyüş baş alıb gedir: “Belə insanları məhkəməyə verməkdən də çəkinirsən ki, yeni qondarma siyasi məhbus icad edəcəklər”.

Nəsirov qeyd edib ki, “Siyasi partiyalar haqqında” yeni qanunun qəbuluna da ehtiyac var.

Deputat Naqif Həmzəyev isə “Ovçuluq haqqında” qanuna yenidən baxılmasını təklif edib.O, təklifini balıqların kütləvi və qanunsuz şəkildə ovlanması ilə əsaslandırıb: “Bu gün Kür çayında balıq tapmaq mümkün deyil. Qanunsuz balıq ovu ilə məşğul olan dəstələr var, partlayıcılar ilə balıq ovlayırlar. Digər tərəfdən, əcnəbilərin ölkədə qanunsuz ovla məşğul olmasına görə cərimələr çox aşağıdır”. O, “Sosial şəbəkələr haqqında” qanunun yaz sessiyasında qəbulunu təklif edib.

Deputat Sahib Alıyev də çıxışında “Sosial şəbəkələr haqqında” qanunun qəbulu təklifini dəstəkləyib.