Lukaşenko etirazçıların qarşısına silahla niyə çıxmışdı? - VİDEO
Belarus Prezidenti Aleksandr Lukaşenko Vladimir Solovyova müsahibəsində 2020-ci ilin avqust hadisələri zamanı əlinə silah almasından danışıb.
Belarus KİV-ləri xəbər verir ki, Belarus prezidentinin sözlərinə görə, 2020-ci ilin yayında etiraz aksiyaları zamanı o, heç yerə qaçmadığını nümayiş etdirmək üçün icazəsiz aksiya iştirakçılarının qarşısına avtomatla çıxıb:
“Bəli, onlar iqamətgaha hücum planlaşdırırdılar. Ona görə də tapançadan əlavə, silahım da var idi. Tək mən yox, kiçik oğlum da silahları mükəmməl bilir. Belə bir şayiə yayıldı ki, Yanukoviç kimi mən də, uşaqlarım da qaçmışıq və artıq Rostovdayıq. Mən əlimdə avtomatım, gülləkeçirməz jilet geyinmişəm, hətta dəbilqə taxmağı da unutmuşam! Onlara göstərməliydim ki, mən heç yerə qaçmamışam, buradayam. Uşaqlarım da həmçinin. Helikopterə mindim və bir neçə dəqiqə sonra ora düşdüm. Avtomat da əlimdə”.
