İsa Qəmbər Ramiz Mehdiyev haqqında nələr dedi?
“Müasir dövrdə AMEA Sovet dövrünün məhsulu olsa da, dünyada gedən tendensiyalara uyğun olmasa da, hər halda bir mərkəz idi. Mən bu mərkəzdə uzun müddət çalışmışam. Bilirəm ki, burada çox sayda ağıllı və savadlı insanlar var idi. Həm veteran, müdrik, yaşlı insanlar var idi, həm də enerjili, hər şeyi öyrənmək istəyən, dünya ilə ayaqlaşmaq istəyən, Azərbaycana fayda vermək istəyən gənclər var idi”.
Bu sözləri Müsavat Partiyasının keçmiş başqanı İsa Qəmbər AMEA-nın alimləri ilə Ramiz Mehdiyev arasındakı savaşa münasibət bildirərkən deyib.
Onun fikrincə, Sovet dövründə AMEA alimləri nəzarətdə saxlamaq üçün bir mexanizmi kimi fəaliyyət göstərirdi:
"Akademiya ciddi islahatlardan keçməlidir. Müsair dünyada elmi mərkəzlər necə qurulur, akademiya da elə qurulmalıdır. Bu ümumi yanaşmadır”.
İsa Qəmdər hesab edir ki, islahat prosesində elmlə təhsilin, akademiya ilə universitetlərin yaxınlığını təmin edən dünyadakı mövcud modellərdən biri tətbiq edilməlidir. O, konkrtet məqamlardan danışarkən deyib ki, büdcədən elmə ayrılan vəsait çox azdır və bu şəraitdə elm inkişaf edə bilməz. Büdcədən ayırmalar artırılmalı, alimlərin əmək haqlarında ciddi artımlar olmalıdır, həmçinin konkfret elm sahələri götürülüb inkişaf etdirilməlidir.
AMEA-nin prezidenti Ramiz Mehdiyevin istefası barədə səslənən firkirlərlə bağlı sualın cavabında İsa Qəmbər deyib ki, Ramiz Mehdiyev akademiyanın rəhbərliyindən mütləq uzaqlaşdırılmalıdır: “Əslinə qalsa, Ramiz Mehdiyev kimi təfəkkürlü bir adam müstəqil Azərbaycanın hakimiyyət strukturlarında ümumiyyətlə yüksək vəzifə tutmamalı idi. Amma, indiki anda o kənarlaşdırılmalıdır..."
