Daha bir ölkə vətəndaşlarını Ukraynanı tərk etməyə çağırdı
12 fevral, 2022 10:32
Kanada Rusiya tərəfindən artan işğal təhlükəsini səbəb göstərərək, Ukraynadakı vətəndaşlarından dərhal ölkəni tərk etmələrini xahiş edib.
Bu barədə Kanadanın xarici işlər naziri Melani Coli açıqlama verib.
“Rusiyanın davam edən təhdidləri və 1 fevraldan bəri silahlı qarşıdurma riski səbəbindən kanadalıları Ukraynaya hər cür səyahətdən çəkinməyə çağırırıq. Biz, həmçinin, artıq Ukraynada olan kanadalılardan hələ ki imkan varkən ölkəni tərk etmələrini xahiş edirik. Bizim əsas prioritetimiz kanadalıların təhlükəsizliyidir”, - deyə kanadalılara müraciət edib.
