"ABŞ qara bazara silah tədarükü üçün Ukraynada vahid baza yaratmaq istəyir..."
"Bu yaxınlara qədər belə bir baza rolunu Əfqanıstan uzun illər oynayıb...”
"Əslində, söhbət vahid bir xalqın bir hissəsinin digər hissəsi ilə vuruşmasından gedir..."
“Rəsmi Vaşinqton və digər Qərb dövlətləri Ukraynaya intensiv şəkildə silahlar göndərirlər. Bu, təkcə birinci məqsədə nail olmaq üçün deyil, həm də silah və hərbi texnikanın kölgə dünya bazarına silah tədarükü üçün Ukrayna ərazisində vahid tranzit və paylama bazası yaratmaq üçün edilir”.
"Azsiyaset" xəbər verir ki, bu fikirləri G.V. Plexanov adına Rusiya İqtisad Universitetinin Politologiya və Sosiologiya kafedrasının dosenti, “Rusiya Zabitləri” Ekspert Şurasının üzvü, hərbi politoloq Aleksandr Perenjiyev söyləyib.
Ekspert Ukrayna ətrafında vəziyyəti gərginləşdirməkdə ABŞ-ın əsas məqsədlərini sadalayıb.
“Ukrayna ətrafında “Rusiya Ukraynaya hücum edir” hay-küyü ilə ABŞ aşağıdakı hədəfləri güdür:
Birincisi, tanınmamış LXR və DXR ərazilərində yaşayan etnik rusları və ukraynalıları ukraynalılar və əslində "ukraynalılar" adlandırılan digər etnik ruslarla yenidən döyüşməyə məcbur etmək üçün Donbassda qırğın təşkil etmək. Əslində söhbət vahid bir xalqın bir hissəsinin digər hissəsinə qarşı vuruşmasından gedir.
İkinci hədəf. Rəsmi Vaşinqton və digər Qərb dövlətləri Ukraynanı güclü şəkildə silahlarla doldururlar. Bu, təkcə birinci məqsədə nail olmaq üçün deyil, həm də silah və hərbi texnikanın dünya qara silah bazarına tədarükü üçün Ukrayna ərazisində vahid tranzit və paylayıcı baza yaratmaq məqsədilə edilir. Bu yaxınlara qədər belə bir baza rolunu Əfqanıstan uzun illər oynayıb. Burada rəsmi Vaşinqton Kabildə onun nəzarətində olan hökumətin köməyi ilə silahlarını dünya qara bazarında satırdı. Və bir qayda olaraq köhnə, işlədilmiş və silinməli olan silahları... Əslində, hazırda Ukraynaya da məhz bu cür silahlar verilir.
Üçüncü hədəf. Bu görünməmiş hay-küy altında artıq rəsmi Vaşinqton, NATO və digər müttəfiqlər tərəfindən Rusiyanın Arktika və Uzaq Şərq sərhədlərinə qarşı təcavüz üçün aktiv kəşfiyyat fəaliyyətləri həyata keçirilməyə başlanılır. Bu yerdə Rusiya Müdafiə Nazirliyinin Kuril adalarından birinin yaxınlığında ABŞ sualtı qayığının aşkarlanması ilə bağlı bəyanatını yada salmaq lazımdır. Kalininqrad vilayətinə və Rusiyanın Qara dəniz sahillərinə qarşı da zərbə qrupları yaradılır”, - deyə hərbi ekspert vurğulayıb(moderator.az).
