Prezidentliyə iddiaçı: Adı Ağacan, familiyası Bəymuradov, özü icra başçısının müavini... - Yeni rəqib
Türkmənistanda növbədənkənar prezident seçkilərində mübarizə aparacaq daha bir namizədin adı məlum olub.
Bu barədə “Türkmənistan” dövlət xəbər agentliyini bildirir.
Qeyd edilir ki, Türkmənistan Aqrar Partiyası prezident postuna Marı vilayəti başçısının müavini Ağacan Bəymuradovun namizədliyini irəli sürüb.
Prezidentliyə namizədin doğum tarixi məlum olmasa da, onun 1995-ci ildə Türkmənistan Dövlət Memarlıq və İnşaat İnstitutunu bitirdiyi açıqlanıb. Beləliklə, o, indi ən azı 47-48 yaşlardadır. Ölkədə yalnız yaşı 40-dan çox olan şəxslər prezidentliyə namizədliyini irəli sürə bilər.
A.Bəymuradov növbədənkənar prezident seçkilərində rəqibi hazırkı dövlət başçısı Qurbanqulu Berdiməhəmmədovun oğlu Sərdar Berdiməhəmmədov olacaq.
Qeyd edək ki, fevralın 11-də Q.Berdiməhəmmədov növbədənkənar prezident seçkilərin keçiriləcəyinin anonsunu verib. O ölkə rəhbəri postunu gənc rəhbərə vermək niyyətində olduğunu bildirib.
