Rusiya "sülhməramlı"ları separatçı hərəkatın ildönümündə - FOTOLAR

Rusiyanın Azərbaycan Respublikasının hüquqi-tarixi  ərazisinin bir hissəsində müvəqqəti(!) olaraq yerləşdirlilmiş rəsmən “sülhməramlı” sayılan hərbi kontingentinin bir qrup üzvü  dünən - fevralın 20-də Qarabağda separatçı-terrorçu erməni hərəkatının başlanmasının 34 illiyi ilə bağlı Xankəndindəki üzdəniraq muzeyi ziyarət ediblər.

Bu haqda məlumat və fotolar sosial şəbəkələrin erməni seqmentində yayılıb.

Məlumatın tərcüməsini olduğu kimi  nəzərinizə çatdırırıq: 

“Artsaxın dirçəlişinin 34-cü ildönümü münasibəti ilə Rusiya sülhməramlıları Stepanakert muzeyini ziyarət ediblər və 1988-ci il fevralın 20-də başlanan hərəkatın tarixinin təfərrüatları ilə tanış olublar”.

Fotolardan birində aydın göründüyü kimi, qondarma “muzey”in gidini dinləyən Rusiya hərbçiləri separatçı-terrorçu rejimin “bayraq” adlanan əski parçasının altında farağat(!) dayanıblar. 

Qeyd edək ki, bu, Azərbaycan torpağındakı Rusiya hərbçilərinin ilk belə davranışı deyil...