ABŞ niyə terror xəbərdarlığı edir?

ABŞ-ın Rusiyadakı səfirliyi yaxın gələcəkdə Rusiya ərazisində baş verə biləcək hücumlar barədə xəbərdarlıq edib.

Lenta.ru xəbər verir ki, bu barədə məlumat səfirliyin saytında dərc olunub. Amerikalı diplomatlar mediaya istinadən iddia edirlər ki, hücumlar ticarət mərkəzləri, dəmiryol vağzalları, metro stansiyaları, eləcə də insanların sıx olduğu digər yerlərdə mümkündür. Onlar bunun Moskva və Sankt-Peterburq kimi böyük şəhərlərdə və Rusiya-Ukrayna sərhədi boyunca olan ərazilərdə mümkün olduğunu deyirlər.

Müraciətdə həmçinin, Rusiyada yaşayan vətəndaşlara ölkəni tərk etmək barədə tövsiyə olunub.