Özlərini köçürüb, mənzillərini qarət edirlər... - Donbassda cinayətlər çoxalıb
21 fevral, 2022 16:28
“İşğal olunmuş Donetskdə və Makeyevkada Rusiyaya evakuasiya olunan insanların mənzilləri qarət olunur”.
Ukrayna mətbuatı xəbər verir ki, bunu ölkənin Daxili İşlər nazirinin müşaviri Anton Qeraşşenko bildirib.
DİN-in əldə etdiyi məlumatdan aydın olub ki, cəmi iki gün ərzində zorla evlərindən didərgin salınan insanların mənzillərində 100-dək qarət hadisəsi baş verib. Donetskdə 56, Makeyevkada isə 42 mənzilin qarət olunduğu bildirilir.
Qeraşşenko qeyd edib ki, qarətçilərin əlində evakuasiya olunan insanların ünvanları barədə siyahılar var ki, bunu da yalnız qondarma respublika rəhbərliyindən almaq mümkündür.
