Putin əleyhinə koalisiya yaradılır - Zelenski liderlərlə danışdı
Ukrayna Prezidenti Volodimir Zelenski dünyanın aparıcı ölkələrini anti-Rusiya koalisiyası yaratmağa çağırıb.
Bununla bağlı Ukrayna Prezidenti özünün “tvitter” səhifəsində çağırış edib.
Ukrayna Prezidenti Volodimir Zelenski ABŞ Prezidenti Co Bayden, Almaniya kansleri Olaf Şoltz, Avropa İttifaqı Şurasının rəhbəri Şarl Mişel, Polşa Prezidenti Andjey Duda və Böyük Britaniyanın Baş naziri Boris Consonla telefonda danışıb.
Zelenski ABŞ, Böyük Britaniya, Almaniya, Polşa və Avropa İttifaqını dərhal Putini dayandırmağa çağırıb. O, dərhal ağır sanksiyaların tətbiqini, hava məkanının bağlanmasını, Ukraynaya maliyyə və hərbi yardım göstərilməsini istəyib.
"Putini Ukraynaya və bütün dünyaya qarşı müharibəni dərhal dayandırmağa çağırırıq. Putin əleyhinə koalisiya yaradılır. Təcili sanksiyalar tətbiq edilməli, Ukrayna müdafiə edilməli və maliyyə dəstəyi göstərilməlidir. Dünya Rusiyanı sülhə məcbur etməlidir”, - deyə, V.Zelenski bildirib.
