Ukraynanın Müdafiə naziri rus analarına müraciət etdi - "Övladlarınızı gizlədin, cəbhəyə göndərməyin"

“Ukraynaya genişmiqyaslı hərbi müdaxilənin başlamasından 40 saatdan çox vaxt keçir. Bu müddət ərzində Ukrayna işğalçılara göstərdi ki, onun güclü ordusu və qorxmaz xalqı var”.

Ukrayna mediası xəbər verir ki, bu sözləri ölkənin müdafiə naziri Aleksey Reznikov deyib.

"Ukraynaya müdaxilədən bir neçə gün sonra Rusiya ordusu çeçen müharibələrində olduğu kimi çoxlu itki verəcək. Minlərlə və minlərlə.... Biz bilirik ki, hazırda Rusiya ordusuna yeniyetmələri cəlb edirlər. Müqavilə ilə işləyən əsgərlərə əslində, hara getdikləri bildirilmir. Rusiya hökmdarı qatil olub. Özü də təkcə ukraynalıların deyil, rusiyalıların da qatilinə çevrilib”,-deyə Aleksey Reznnikov bildirib.

O, rusiyalı qadınları yaxınlarını gizlətməyə və onları ölüm yolundan çəkindirməyə çağırıb.

Ukrayna naziri RF vətəndaşlarını küçələrə çıxaraq, Kremldən müharibəni dayandırmağı tələb etmələrini istəyib.