Putinlə Zelenski birbaşa danışıq aparacaqmı? - Pekovdan açıqlama
Rusiya prezidentinin mətbuat katibi Dmitri Peskov Moskva və Kiyev arasında danışıqların başqa formatlarının mümkünlüyünü şərh edib.
Dmitri Peskov Kremlin Ukrayna nümayəndələri ilə görüşlərin yeni formatlarını nəzərdən keçirib-keçirmədiyi barədə sualı cavablandırarkən, “hazırda danışıqlar gedir” söyləyib.
Fevralın 28-də Belarusun Qomel vilayətində Rusiya Federasiyası və Ukrayna nümayəndə heyətləri arasında danışıqlar aparılıb, tərəflər yaxın günlərdə Belarus-Polşa sərhədində danışıqların davam etdirilməsi barədə razılığa gəliblər
"Rusiya və Ukrayna nümayəndə heyətləri arasında birbaşa danışıqlar aparılır", - Peskov jurnalistlərə bildirib.
Beləliklə, Kreml Qazaxıstan və Türkiyənin vasitəçiliklə bağlı əvvəllər irəli sürdüyü təklifləri nəzərə alaraq, “Ukrayna ilə danışıqların alternativ variantlarını nəzərdən keçirməyi planlaşdırırmı” sualına cavab verib.
Rusiya və Ukrayna prezidentləri arasında birbaşa təmaslara gəlincə, Peskov deyib ki, bu, hələlik nəzərdə tutulmayıb.
“Xeyr, hələ yox”, - deyə Peskov Putinin Rusiya-Ukrayna danışıqlarından sonra Zelenski ilə danışmağı planlaşdırıb-qalmayacağı ilə bağlı sualı cavablandırıb.
Rusiya fevralın 24-də səhər tezdən Ukraynada müharibəyə başlayıb.
