Ukraynanın hava məkanı bağlana bilərmi? - "NATO özünə güvənmirsə..."
NATO-nun Ukrayna səmasını bağlaması alyansın nə dərəcədə özünə güvənməsindən asılıdır.
Bunu Ukraynanın xarici işlər naziri Dmitri Kuleba xarici jurnalistlər üçün keçirilən mətbuat brifinqində deyib.
"Əgər NATO özünə əmindirsə, o kifayət qədər güclüdür və Ukrayna səmasına Rusiya hava qüvvələri daxil ola bilməyəcək, Ukrayna səmasını qoruyan NATO təyyarələri ilə toqquşmaq istəməyəcək, o zaman müttəfiqlər Ukrayna səmasını bağlamalıdır. Yox, əgər NATO özünə güvənmirsə, Ukrayna səmasında Rusiya ilə qarşılaşmağa hazır deyil, o zaman əlbəttə ki, alyans Ukrayna səmasını bağlamayacaq. Məsələ bu qədər sadədir, ukraynalılar bunu belə anlayır. İndiyə qədər NATO-nun bu məsələyə reaksiyası təəsüfləndiricidir, çünki bu qərar hər bir halda havadan endirilən zərbələrlə öldürülən günahsız ukraynalıların xilası üçün vacibdir", - deyə diplomat vurğulayıb.
