Böyük Britaniya Zelenskiyə siyasi mühacir statusu verməyə hazır olduğunu bəyan etdi

Böyük Britaniya Ukrayna prezidenti Vladimir Zelenskiyə və Ukrayna rəhbərliyinin üzvlərinə lazım olarsa siyasi sığınacaq verməyə hazırdır.

Bu barədə Böyük Britaniyanın baş naziri Boris Conson bu gün bəyan edib. O, dəqiqləşdirib ki, onlara "bütün mümkün olan dəstək" veriləcək.

Britaniyanın baş naziri həmçinin Rusiyanın ən iri banklarından biri olan Vneştorqbankın (VTB) və digər banklarının aktivlərinin dondurulması və Rusiya Federasiyasının  "Aeroflot" flaqman aviaşirkətinin Böyük Britaniyaya uçuşlarına qadağa qoyulması haqqında bəyan edib.

Bundan başqa, Rusiya vətəndaşlarının Britaniya banklarının hesabında saxlaya biləcəyi depozit vasitələrinin həcminin məhdudlaşdırılması planlaşdırılır.

Consonun sözlərinə görə, sanksiyalar "Rusiya banklarının Böyük Britaniyanın maliyyə sistemindən tamamilə çıxarılmasına, onları funt sterlinqə çıxışından və Böyük Britaniya üzərindən  ödəmələr etməkdən məhrum ediıməsinə" imkan verəcək".

Lakin bu da son deyil. London yaxın zamanlarda Britaniya maliyyə qurumlarına Rusiya şirkətlərinə kredit verilməsini qadağan edən qanun qəbul etmək niyyətindədir. Sanksiyalar fiziki və hüquqi şəxslərə qarşı, o cümlədən Rusiya sənayesinin nəhəngləri olan "Rostex", "Birləşmiş aviatikinti korporasiyası", "Taktiki raket silahı" və "Uralvaqnozavod"a qarşı tətbiq ediləcək. Belə sanksiyalar həm də Belarusa qarşı tətbiq olunacaq.

Böyük Britaniyanın baş naziri əlavə edib ki, analoji sanksiya tədbirləri ABŞ tərəfindən də hazırlanır.