Ukraynadan Polşaya nə qədər qaçqın gedib?
17 mart, 2022 16:57
Rusiyanın işğalından bəri Ukraynadan Polşaya 1,9 milyondan çox qaçqın daxil olub.
Bu barədə ölkənin Sərhəd Mühafizəsi Agentliyi məlumat yayıb.
Bildirilib ki, onlardan 593 mini və ya qaçqınların 31%-i Polşaya minik avtomobillərilə, 440 min insan və ya 23%-i avtobuslarla daxil olub. Təxminən 402 000 nəfər (21%) ölkəyə piyada, 210,000 nəfər və ya 11% qatarla gəlib.
BMT-nin Qaçqınlar üzrə Agentliyinin məlumatına görə, işğaldan sonra ümumilikdə 3 milyondan çox insan Ukraynanı tərk edib və bu qaçqınların əksəriyyəti Polşa, Rumıniya, Moldova, Macarıstan və Slovakiyaya gedib. Ukrayna əhalisi işğaldan əvvəl 43 milyon nəfərdən çox idi.
