"Müharibənin aktiv fazası 2-3 həftəyə bitəcək" - Aleksey Arestoviç

Ukrayna Prezident Ofisi rəhbərinin müşaviri, hərbi ekspert Aleksey Arestoviç ölkəsində davam edən müharibənin yaxın zamanda yekunlaşacağını bildirib.

Öz “Telegram” kanalında paylaşım edən Arestoviç Rusiyanın uzun müddət müharibə aparacaq resurslarının olmadığını yazıb: “Kiyev, Xarkov, Çerniqov və Sumı yaxınlığında aktiv faza demək olar başa çatıb. Onlar hardansa ehtiyatlar toplayıb yenidən hücuma keçmək istəsələr belə, yenə də hər şey onların məğlubiyyətilə bitəcək. Onlar sadəcə bir həftəyə, 10 günə sıradan çıxacaqlar. Burada sonluq birdir – onlar artıq strateji baxımdan məğlub olublar, operativ cəhətdən də uduzacaqlar. Hesab edirəm ki, aprelin ortasında, yaxud sonlarında Kiyevdən gedən sakinlər geri evlərinə qayıda biləcəklər”.

Arestoviç əminliklə bildirib ki, müharibənin aktiv fazası 2-3 həftədən artıq davam etməyəcək.