Bu Avropa ölkələri Rusiyaya silah satıb
2015-2020-ci illərdə 10 Avropa ölkəsindən Rusiyaya 346 milyon avro dəyərində silah satılıb.
Bu barədə Fransanın "Mediapart" agentliyi "Investigate Europe" təşkilatının araşdırmasına istinadən məlumat yayıb.
Qeyd olunur ki, Rusiyaya silah tədarükündə iştirak edən ölkələr Fransa, Almaniya, İtaliya, Avstriya, Bolqarıstan, Çexiya, Xorvatiya, Finlandiya və Slovakiyadır. Rusiyaya satılan hərbi məhsullara əsasən raket və bombalar daxildir.
Xatırladaq ki, 2014-cü ildə Krımın Rusiya tərəfindən ilhaqından sonra Avropa İttifaqı bu ölkəyə silah satılmasını qadağan edib. Buna baxmayaraq, bir çox ölkələr Rusiyaya silah satışını həyata keçirib.
Belə ki, Rusiyaya ən çox silah satan ölkə 152 milyon avro ilə Fransa olub. Fransa Müdafiə Nazirliyi silah embarqosuna hörmət etdiklərini və satılan silahlarla bağlı müqavilələrin 2014-cü ildə imzalandığını bildirib.
Almaniya isə 121,8 milyon avro ilə Avropa ölkələri arasında Rusiyaya ən çox silah satan ikinci ölkədir.
İtaliya Rusiyaya "İveco" şirkətinin istehsalı olan 22,5 milyon dəyərində döyüş maşınları ixrac edib. İtaliyanın LA7 telekanalının məlumatına görə, maşınlar bu ayın əvvəlində Ukraynada gedən müharibədə görünüb. İtaliya hökuməti Aİ-nin silah embarqosuna görə həmin avtomobilləri mülki şirkətlərə satıb.
