Rusiya ordusu Kiyev ətrafında səngərlər qazır - "Maxar Technologies" şirkətinin yeni peyk görüntüləri

“Maxar Technologies” şirkətinin yeni peyk görüntülərində rus qoşunlarının Kiyev yaxınlığında  səngər qazdığı görünür...

Martın 17-də Kiyevin şimal-qərbində, Kiyev vilayətinin Borodyanski rayonunun Ozera kəndi yaxınlığında çəkilmiş görüntülərdə səngərlərdəki Rusiya hərbi texnikasını görmək olar.

Bu haqda ABŞ-ın "CNN"  telekanalı məlumat yayıb. 

Rusiya texnikası Kiyev vilayətinin Qostomel şəhərinin Antonov hava limanı yaxınlığındakı səngərlərdə, həmçinin Borodyanka rayonunun Zdvijevka və Berestyanka kəndlərində yerləşir.

Ozera kəndi  yaxınlığındakı səngərlərin fotosunu "tvitter" hesabında paylaşan "The Kyiv Independent" qəzetinin hərbi jurnalisti İlya Ponomarenko işğalçıların taktikanı “uzunmüddətli statik müharibə istiqamətində” dəyişməyə çalışacaqlarını təxmin edib.

"Ciddi resurs məhdudiyyətləri altında düşmən ərazisindəki müdafiədə  "uğurlar"" - deyə hərbi jurnalist istehzayla yazıb.