Paşinyanın vəd etdiyi Ermənistan ermənilər üçün cəhənnəmə çevrilib

Ermənistanda siyasi və sosial-iqtisadi böhran davam edir. Ölkənin Baş naziri Nikol Paşinyanın "demokratiya” və "sosial rifah” barədə səsləndiridiyi fikirlərə baxmayaraq reallıq dəyişmir. 

Paşinyan və komandası  hələ 2018-ci ildə  iqtisadi inqilaba başladığını bəyan edərək erməni xalqının 2020-ci ildə tamamilə başqa bir Ermənistanda yaşayacağını bəyan elədi. 

Doğrudan da erməni xalqı 2020-ci ildə özünü başqa Ermənistanda tapdı. Lakin bu, Paşinyan və komandasının vəd etdiyi iqtisadi cəhətdən güclü Ermənistan yox, əksinə, siyasi, sosial-iqtisadi böhranda vurnuxan, Qarabağ müharibəsindən məğlub ayrılan, koronavirus pandemiyasına qarşı effektiv mübarizənin aparılmadığı və nəticədə minlərlə ölümün baş verdiyi Ermənistan idi. Erməni xalqına cənnət vədilə cəhənnəm təqdim edilmişdi. 

Bundan sonra, Paşinyan və komandası erməni xalqının qaşrısına yeni konseptlə çıxdı: Tezliklə güclənib, Azərbaycanı məğlub edib sülhə məcbur edəcəyik.

Bunun da quru vəd olduğunu anlamaq üçün çox vaxt lazım olmadı. Erməni xalqı qısa müddət ərzində anladı ki, müharibə uduzulub və əski status-kvonu bərpa etmək sadəcə mümkün deyil. 

İndi Ermənistan hakimiyyəti cəmiyyəti Köçəryan və Sarkisyan iqtidarı ilə qorxudur. "Köhnələr”in yenidən hakimiyyətə gələcəyi təqdirdə ölkənin ciddi iqtisadi və siyasi kataklizmlərlə üzləşəcəyi barədə fikirlər səsləndirilir. 

Əslində bu fkirlərdə müəyyən qədər həqiqət var. "Demokratiya” brendi ilə hakimiyyətə gələn Paşinyan Ermənistanı az qala uçuruma yuvarlayıbsa, avtoritar və etnomafiya təmsilçilərinin hakimiyyətə gəlişi ölkənin suveren təsisat kimi mövcudluğu təhlükə altına düşə bilər. 

Ermənistan cəmiyyəti də bunun fərqindədir və bu da erməni xalqındə ümidsizliyə səbəb olub. Müşahidələr göstərir ki, erməni xalqı hələ uzun müddət ümidsizlik içində çabalamalı olacaq. 

Telman Qasımov