"Rusiya Donetsk və Luqanskı işğal etməklə öz məqsədlərinə çatdığını elan edəcək və..." - Amerikalı ekspert

Martın 25-də Rusiya Baş Qərargahının Baş əməliyyat idarəsinin rəisi Sergey Rudskoy Rusiyanın Ukraynaya hərbi müdaxiləsinin son məqsədi kontekstində tanınmamış Donbas "respublikaları"nı xatırlayıb.

"Ayrı- ayrı qruplaşmalar tərəfindən qarşıya qoyulan vəzifələr yerinə yetirildikcə, - onlar isə uğurla həll edilir, - bizim qüvvə və vasitələrimiz əsas istiqamətə- Donbasın tamamilə azad edilməsinə yönələcək", - o, belə deyib.

Amerikanın hərbi- dəniz təhlili Mərkəzinin eksperti Maykl Kofman diqqəti buna çəkib. Onun sözlərinə görə, çox ehtimal ki, Rusiya Donetsk və Luqansk "respublikaları"nı işğal etməklə öz məqsədlərinə çatdığını elan etsin və geri çəkilsin.

"Mənim mülahizəm belədir ki, Moskvanın bu günə olan minimum məqsədləri bunlar ola bilər: nəyisə xilas etmək və qələbəni elan etmək üçün Donbası büsbütün ələ keçirmək, hansısa siyasi nizamlanmaya nail olmaq, sonra geri dönərək bütün bu əməliyyatın elə bunun naminə düşünüldüyünü elan etmək", - Kofman belə hesab edir.

Bundan başqa, ekspert yazır ki, əgər Rusiya qoşunları Mariupolu ələ keçirsə, o zaman "denasifikasiya" ilə bağlı da problem olmayacaq.

"Çünki bu "Azov" bazasını nasistlərin təsirinin sübutu kimi tez- tez göstərirdilər. Hər halda bu tarixçəni daxili auditoriya üçün uğur tarixçəsinə çevirmək mümkündür", - Kofman belə güman edir.