Rusiya hansı hallarda nüvə silahından istifadə edəcək? - 4 hal

Rusiya Təhlükəsizlik Şurası katibinin müavini Dmitri Medvedev Ukraynaya qarşı genişmiqyaslı müharibəyə başlayan Rusiyanın 4 halda nüvə silahından istifadə edə biləcəyini bildirib.

“RİA Novosti” xəbər verir ki, Medvedevin sözlərinə görə Rusiya aşağıdakı hallarda nüvə silahından istifadə edə bilər: 

Birinci hal - Rusiya Federasiyasının ərazisi nüvə silahı ilə vurulduqda;

İkincisi, Rusiyaya və ya onun müttəfiqlərinə qarşı nüvə silahının hər hansı digər istifadəsi;

Üçüncüsü, Rusiyanın nüvə qüvvələrinin fəaliyyətini iflic edə biləcək kritik infrastruktura hücum;

Dördüncüsü, Rusiya Federasiyasına və ya onun müttəfiqlərinə qarşı təcavüz aktı, bunun nəticəsində ölkənin mövcudluğunun təhlükə altına düşməsi halında.