Seçim etmək lazımdır - Ya Azərbaycan, ya da Ukrayna!
Dünən Ukrayna Ali Radasının rəsmi "Twitter" hesabında Azərbaycana dəstək postu paylaşılmışdı. Paylaşımda Azərbaycan ordusunun apardığı son əməliyyatlara Ukraynanın dəstəyi ifadə olunmuşdu.
Bəs sonra nə baş verdi?
Ukraynanın İrəvandakı səfiri Ermənistan XİN-ə çağırılaraq tənbeh olundu. Ardınca Ermənistanın Kiyevdəki səfiri Ukrayna XİN-ə zəng edərək nazir Kolebanın ünvanına ağır sözlər dedi...
Və cəmi 15 dəqiqə sonra Ukrayna Azərbaycana dəstəkdən imtina etdi və ""Twitter"dəki paylaşımı sildi.
Bir-iki nəfərdən başqa heç kəs bu məsələdən danışmır, yazmır. Sizin üçün Ukrayanın maraqları üstündür, yoxsa Azərbaycanın? Bu nə xəyanətdir öz ölkənizə qarşı edirsiniz!? Seçim edin, ya hadisələrə Azərbaycanın milli maraqları istiqamətindən yanaşın, obyektiv olun, ya da vətəndaşlıqdan imtina edib gedin Ukraynanın bayrağı altına yaşayın, vuruşun!
- Ukrayna Rusiya ilə müharibə aparır. Ukrayna Ermənistanın Moskvanın oyuncağı olduğunu da bilir. Moskva ilə müharibə aparan Ukrayna bəs onun oyuncaq dövlətindən - Ermənistandan qorxaraq niyə Azərbaycana dəstəkdən imtina etdi? Gülməli məqamdır: Rusiya ilə müharibə aparır, amma Rusiyanın əlaltısından çəkinərək Azərbaycana qarşı əsl riyakarlıq nümayiş etidilir.
- Ermənistanda Rusiyaya, Azərbaycanda isə Ukraynaya dəstək aksiyaları keçirilir. Təkcə martın 12-də Azərbaycandan Ukraynaya 380 tonluq yardım yola salınıb. Hazırda Ukraynanın tibbi və yanğınsöndürən maşınları Azərbaycanın pulsuz yanacağı hesabına fəaliyyət göstərir. Azərbaycanın göndərdiyi yardımlar hesabına öz qohumlarını ağır durumdan çıxarmağa çalışan Ali Radanın üzvləri niy bu riyakarlığa etiraz etmədilər?
Heç düşündünüzmü ki, Türkiyə haqlı olaraq Rusiyaya qarşı sanksiyalara niyə qoşulmur? Dünən prezident Ərdoğan da açıq şəkildə bunu bəyan etdi:
"Rusiyaya qarşı sanksiyalara qoşulmayacağıq, bizim Rusiya ilə olan münasibətlərimizi bir kənara qoymaq mümkün deyil. Çünki istifadə etdiyimiz təbii qazın təqribən yarısını Rusiyadan alırıq. Bu məsələdəki həssaslığımızı qorumalıyıq. Birincisi, mən xalqımı qarda-qışda soyuqda qoya bilmərəm. İkincisi, sənayemizi tamamilə sıfırlaya bilmərəm. Bunları qorumalıyıq. Biz dövlətik, 85 milyonluq əhalimiz var".
Ən əsası, Türkiyə tarixi yaddaşını işə saldı. Böyük müharibələrdə Qərbin yanında yer alan Türkiyəni dəfələrlə məğlubiyyətə yuvarlayıblar. İndi də Rusiyanın yanında yer almır, Ankara özü böyük bir güc mərkəzidir, sadəcə özünün milli maraqları çərçivəsində hərəkət edir.
İndi çıxıb Türkiyəyə niyə satqın demirsiniz? Siz isti evlərinizdə oturub "Slava Ukraina" deyə pafos püskürürsünüz, amma kimin kimlə müharibə etdiyini bilmirsiniz.
Azərbaycan da Ukrayna ərazisində aparılan Rusiya-ABŞ müharibəsinə öz milli maraqları çərçivəsində baxmalıdır. Necə ki, Azərbaycan dövləti ortaya əsl sivil və praqmatik mövqe qoyub.
Qərbin xoşuna gəlmək və Moskva ilə Azərbaycan arasındakı strateji müttəfiqliyə zərbə vurmaq üçün Ukraynaya dəstək mitinqlərinin keçirilməsini qərarlaşdıranların məntiqi… Qərb hamını aldadır. Həm də 30 il Rusiyanın Azərbaycandakı köləsi olan qüvvələrin indi Rusiya əleyhinə mitinqlər təşkil etmək istəkləri də bir ayrı mənzərə yaradır. Bəlkə R.Mehdiyevin gedişindən sonra Kreml sizin də müxalifətçiliyinizdən imtina edib!? Bu ehtimal öz doğruluuq yükünü getdikcə artırır.
Ukraynaya dəstək şüarlarının arxasında şəxsi yox, milli maraqlar dayanmalıdır. Bir dostumuz var, (bu hissəni də özünün razılığı ilə yazıram), 20 ildir SOCAR-da işləyir, indi ona yaxşı vəzifə vermək üçün ondan diplom tələb edirlər. Bu da gedib keçən Ukraynanın Xerson şəhərində hansısa ali məktəbə qəbul olub. Müharibə başladı, adamın təhsili, doplomunun gələcəyi də batdı. Bütün günü Putini söyür, təhqir edir, sosial şəbəkələrdə də yüzlərlə layk yığır. Axırı bayaq mənə əsl səbəbi açıqladı. İndi 40 il ərzində Azərbaycanda bir ali məktəbə qəbul olan bilməyən sən savadsız diplom alasan deyə, ABŞ-Rusiya öz müharibə maraqlarında imtina etməli idi? Zavallı, əvvəllər təkcə Ərdoğana “Rəis” yazırdı, indi Baydenə də belə müraciət edir.
P.S. Azərbaycan dövlətinin tutduğu hazırkı tərəfsiz mövqe, apardığı praqmatik siyasət tam ədalətlidir.
Müəllif: Samir Feyruzov
