"Rusiya məqsədə nail olana qədər müharibə davam edəcək" - Sergey Şoyqu
"Müdafiə naziri Sergey Şoyqu bildirib ki, “Rusiya Silahlı Qüvvələrinin Ukraynadakı xüsusi hərbi əməliyyatı qarşıya qoyulan məqsədlərə nail olunana qədər davam edəcək”.
Sergey Şoyqu bu barədə çərşənbə axşamı keçirilən konfransda deyib. Onun sözlərinə görə, Rusiya hərbçiləri xüsusi əməliyyat zamanı “Luqansk və Donetsk Xalq respublikaları”nın əhalisinə dinc həyat bərqərar etməkdə fəal kömək edir.
Sergey Şoyqu komandirlərdən Silahlı Qüvvələrdə gündəlik döyüş hazırlığı üzrə bütün planların qeyd-şərtsiz həyata keçirilməsini təmin etməyi tələb edib.
"Mən vurğulamaq istərdim ki, qoşunlarda planlı döyüş hazırlığı dayandırılmır. Mən bütün səviyyələrdə komandirlərdən planlaşdırılmış əməliyyat və döyüş hazırlığı tədbirlərinin ciddi və dəqiq həyata keçirilməsini təmin etməyi tələb edirəm".
