"Moskva danışıqlarda ciddi irəliləyiş görmür" - Putinin sözçüsü
"Moskva Rusiya Federasiyası ilə Ukrayna arasında danışıqlarda bəzi irəliləyişlər var deyə bilməz, hələ çox iş görülməlidir".
TASS-a istinadla xəbər verir ki, bunu Rusiya prezidentinin mətbuat katibi Dmitri Peskov Rusiya və Ukrayna arasında bir gün əvvəl İstanbulda keçirilən danışıqlarla bağlı sualı cavablandırarkən bildirib.
Kreml sözçüsü qeyd edib:
“Əvvəla, həmkarım Medinski bu gün mövzu ilə bağlı daha ətraflı izahat verəcək. İkincisi, müsbət haldır ki, Ukrayna tərəfi ən azı təklif etdiyi şeyi konkret şəkildə formalaşdırmağa və kağız üzərində yazmağa başlayıb. İndiyədək buna nail ola bilməmişdik. Bu, müsbət haldır. Yerdə qalanlara gəlincə, indiyə qədər deyək ki, çox perspektivli bir şey, bəzi irəliləyişlər deyə bilmərik, hələ çox, çox uzun iş görülməlidir”.
