Cənubi Osetiyanın baş separarçısı Rusiyaya birləşmək qərarından danışdı
Beynəlxalq hüquq baxımından Gürcüstan Respublikasının inzibati-hüquqi tərkibində olmalı olan Cənubi Osetiya Rusiyanın tərkibinə qatılmaq istəyir.
"Sputnik Osetiya"yanın yaydığı məlumata görə, Cənubi Osetiya prezidenti Anatoli Bibilov bildirib ki, Rusiya ilə birləşmək "respublika"nın strateji məqsədidir.
O, yaxın vaxtlarda müvafiq "hüquqi" addımların atılacağını qeyd edib.
"Cənubi Osetiya Respublikası onun tarixi vətəni - Rusiyanın bir hissəsi olacaq", - Bibilov bildirib.
Bibilovun müraciətinə görə, indi “bütün dünya dönüş nöqtəsindən keçir”, “Rusiya dünyası bu gün ona sadiq olanların, nasizmə qarşı çıxanların, ümumbəşəri dəyərlərə, bütün beynəlxalq ictimaiyyət tərəfindən qəbul edilən fundamental hüquq və normalara hörmət edənlərin maraqlarını müdafiə edir".
Xatırladaq ki, separatçı Cənubi Osetiya rəhbərliyi son 30 ildə dəfələrlə Rusiyaya birləşmək istəyini bəyan etsə də, məsələ yekunlaşmayıb.
