"ABŞ senatorları Rusiyanın aktivlərini Ukraynaya köməyə yönəltmək istəyirlər" - "Axios"

ABŞ-ın Kolorado ştatından olan demokrat-senator Maykl Bennet və Ohayodan olan respublikaçı-senator Rob Portman qanun layihəsi işləyib hazırlayıblar. Sənədə uyğun olaraq, onlar Rusiyanın konfiskasiya edilmiş aktivlərindən əldə olunan vəsaitin Ukraynaya kömək kimi verilməsini təklif edirlər.

Adı çəkilən senatorlar Rusiyanın Ukraynadakı hərbi əməliyyatları ilə əlaqədar olaraq, Ukrayna qaçqınlarına kömək və Ukraynanın bərpası fondunun yaradılmasını məqsədəuyğun hesab edirlər ("TAASS").

Bu zaman hərbi əməliyyatların başlanmasından sonra təkcə Avropa İttifaqında 862 rusiyalının və 53 Rusiya təşkilatının aktivi dondurulub.

Situasiyanı şərh edən Rusiya Təhlükəsizlik Şurası sədrinin müavini Dmitri Medvedyev Qərbin bu hərəkətini Rusiyaya qarşı qaydasız müharibə adlandırıb (RİA Novosti).