"Kiyev Çinlə təhlükəsizlik qarantiyası barədə danışıqlar aparır" - Araxamiya
04 aprel, 2022 00:15
Kiyev Pekinlə təhlükəsizlik qarantiyası barədə danışıqlar aparır. Bu barədə Rusiya ilə danışıqlarda iştirak edən Ukrayna nümayəndə heyətinin üzvü David Araxamiya bəyan edib.
Xəbəri onun sosial şəbəkəsinə istinadla “RİA Novosti” yayıb.
“Çinlə dilomatik kanallarla danışıqlar gedir ki, o, Ukrayna üçün qarant ölkələrdənbiri olsun” – deyə, Araxamiya qeyd edib.
O göstərib ki, ÇXR ilə məsələ daha az işlənib, nəinki digər ölkələrlə.
Bundan əvvəl Araxamiya qeyd edib ki, Kiyev özünün təhlükəsizlik qarantiyası kimi BMT Təhlükəsizlik Şurasına üzv ölkələri və Türkiyəni, Almaniyanı, Kanadanı, İtaliyanı, Polşanı və İsraili görür.
Pekindən isə qeyd ediblər ki, Ukraynanın təhlükəsizliyinə qarant ölkələrdən biri olmaq üçün Çin Kiyevdən sifariş almayıb.
