Putinin qızları hədəfdə... - Yeni sanksiyalar paketi hazırlanır

ABŞ Qərb ölkələrinin Rusiyaya qarşı əlavə sanksiyalar elan edəcəyini açıqlayıb.

Xarici medianın məlumatına görə, Qərbin yeni sanksiyaları Putinin yaxın ətrafındakılara, xüsusən də Rusiya liderinin iki qızına şamil olunacağı iddia edilir.

Ukraynanın Buça qəsəbəsində 410 mülki şəxsin cəsədi tapıldıqdan sonra ABŞ prezidenti Co Bayden, NATO-nun baş katibi Yens Stoltenberq və bir çox Avropa liderləri Rusiyaya qarşı sanksiyaların artacağını bəyan ediblər.

Sanksiya paketi açıqlandı

Avropa İttifaqı dünən Rusiyaya qarşı tətbiq edəcəyi beşinci sanksiyalar paketini açıqlayıb. Komissiyanın sədri Ursula Fon Der Leyen deyib: “Biz Rusiyadan kömür idxalına ildə 4 milyard avro idxal qadağası qoyacağıq. Bu, Rusiya üçün daha bir mühüm gəlir mənbəyinin kəsilməsi deməkdir”.

Lakin yeni sanksiyalar hələ də Rusiya cəbhəsində istənilən reaksiyanı yaratmayıb. Əksinə, dünən Rusiya prezidenti Putin “Unutmayın ki, bu, ikitərəfli silahdır” deyərək Qərbi qorxudub.

Xatırladaq ki, Rusiya lideri bu yaxınlarda Rusiya qazının rublla ödənilməsi ilə bağlı fərmanı imzalayıb, “Ödəniş rublla həyata keçirilməsə, Rusiya qazı ilə bağlı müqavilələr dayandırılacaq”, - dedi.

Putinin qızları hədəfdədir

Putini cəzalandırmaq üçün Aİ liderləri yeni sanksiya siyahısını Putinin yaxın çevrəsinə şamil etməyi planlaşdırır. Putinin iki qızının da Aİ-nin rus oliqarxlarına və siyasətçilərinə qarşı sanksiyalar siyahısına daxil ediləcəyi gözlənilir.

Britaniyanın Teleqraf Qəzeti iddia edir ki, yeni sanksiyalara görə, 35 yaşlı Katerina Tixonova və 36 yaşlı Mariya Vorontsovanın yatırımları dondurulacaq və səyahət qadağaları qoyulacaq.

Bu gün açıqlanacaq

Ağ Evin sözçüsü Cen Psaki yeni sanksiyaların bu gün elan ediləcəyini bildirib.

Yeni sanksiyalar Rusiya şirkətlərinin Aİ ölkələrində tenderlərdə iştirakına da mane olacaq(bakupost.az).