Rusiyadan Ermənistan qərarı - Vəsiqələr tanınacaq
Rusiya hökuməti Dövlət Dumasına sahibkarlıq və əmək fəaliyyəti ilə məşğul olan Ermənistan vətəndaşlarının milli sürücülük vəsiqələrinin tanınmasını nəzərdə tutan qanun layihəsi təqdim edib.
Hal-hazırda analoji qayda Qırğızıstan vətəndaşlarına və qanunvericiliyində rus dilinin rəsmi dil kimi istifadəsini nəzərdə tutan ölkələrin vətəndaşlarına şamil edilir.
Xatırladaq ki, 2017-ci ilin iyununda Rusiya Dövlət Dumasının spikeri Vyaçeslav Volodin Rusiyanın milli sürücülük vəsiqələrinin tanınması üçün Ermənistan qanunvericiliyində rus dilinin rəsmi statusunun təsbit edilməsini təklif etmişdi.
O bildirmişdi ki, Dövlət Dumasında Qırğızıstan, eləcə də rus dilinin rəsmi dil olduğu digər ölkələrin vətəndaşlarına Rusiyada milli sürücülük vəsiqəsi ilə sürücü işləməyə icazə verilən qanunun qəbulundan sonra Ermənistan vətəndaşları faktiki kənarda qaldılar.
“Mən yalnız onu deyə bilərəm. Rus dilini rəsmi dil kimi təsbit edin, sonra qanunun aliliyi avtomatik olaraq Ermənistan Respublikasını da əhatə edəcək”, - Vyaçeslav Volodin 2017-ci ildə demişdi.
