Ermənistan Rusiyaya qırıcı verdiyini etiraf edir...
Ermənistan bir neçə gündür ki, Rusiyaya Ukraynanın işğalı üçün Su-30 qırıcı təyyarələrini göndərmədiyini deyirdi. Lakin ortaya qoyulan faktlar İrəvanı çətin vəziyyətə saldı.
Artıq Ermənistan hakimiyyətinə yaxın mənbələr qırıcıların Rusiyaya verilməsi xəbərini təsdiqləyib.
“Deyilənlər həqiqətin inkarı yox, etirafıdır. Ermənistan suveren ölkədir, Rusiyaya təyyarə göndərmək bizim öz işimizdir, qərar səhv deyil. Əgər söhbət Ukraynanın işğalına dəstəkdən gedirdisə, buna münasibət bildirmirik. Ermənistan heç kimə heç nəyi sübut etmək məcburiyyətində deyilik, Paşinyan zəiflik nümayiş etdirdi”,- bu barədə Ermənistana məxsus teleqram kanallarında yazılıb.
Xatırladaq ki, bir neçə gün öncə Ermənistanın Rusiyaya döyüş təyyarəsi və pilotlarla dəstək verməsi barədə xəbərlər yayılıb. Baş nazir Nikol Paşinyan əvvəlcə bunu təkzib etsə də, sonra səssiz qalmağa üstünlük verib.
