Avropa İttifaqı araqdan və kürüdən imtina edir
Avropa Komissiyasının rəhbəri Ursula fon der Lyayyen rusiyalı hərbçilərinin Kiyev vilayətinin işğalı zamanı törətdiyi hərbi cinayətə- "Buça qətliamı"na görə Rusiyaya qarşı yeni sanksiyalar barədə danışıb.
Bu barədə o, jurnalistlər üçün təşkil edilən brifinqdə bəyan edib.
"Rusiya qəddar və amansız müharibə, o cümlədən Ukraynanın dinc sakinlərinə qarşı müharibə aparır. Bu kritik məqamda biz maksimal təzyiq göstərməliyik. Ona görə də biz sanksiyaların 5- ci paketini təklif edirik.
Avropa Komissiyasının hazırladığı yeni paketdə Rusiyadan bəzi malların, məsələn, odunun, sementin, dəniz məhsullarının və alkoqolun ixracına qadağa nəzərdə tutulub.
Bundan başqa, təklif edilən qadağalar bunlardır:
- Rusiyadan ildə dəyəri 4 milyard avro olan kömürün idxalına qadağa;
- Rusiyanın dörd həlledici bankı, o cümlədən BTB ilə tranzaksiyalara tam qadağa;
- Rusiya gəmilərinə qida məhsulları, humanitar yardım və enerji daşıyıcılarının daşınması istisna olmaqla, Avropa İttifaqının limanlarına girişə qadağa;
- Avropa İttifaqında Rusiyadan və Belarusdan operatorların işləməsinə qadağa;
- dəyəri ildə 10 milyard avro olan həlledici sahələrdə (yarımkeçiricilər, maşınqayırma və nəqliyyat) ixraca qadağa;
- Rusiya şirkətlərinin Avropa İttifaqında satınalmalarda iştirakına və Rusiya dövlət orqanlarına istənilən maliyyə yardımına qadağa.
"Biz həmçinin əlavə şəxsi sanksiyalar və neft idxalında məhdudedici tədbirlər üzərində işləyirik", - Ursula fon der Lyayyen deyib.
Yeni sanksiyakar paketini Avropa İttifaqının bütün 27 dövləti təsdiq etməlidir.
