"Çin ABŞ-ın təhdidinə görə nüvə arsenalını artırır" - WSJ
Çin ABŞ-ın yaratdığı təhlükənin, o cümlədən Vaşinqtonun Çin hökumətini devirmək üçün mümkün cəhdləri ilə bağlı qiymətləndirmənin dəyişməsi səbəbindən öz nüvə arsenalının gücləndirilməsini sürətləndirib.
Bu barədə "The Wall Street Journal" Çin rəhbərliyinin rəyi ilə tanış olan mənbələrə istinadla məlumat yayıb.
Nəşrin yazdığına görə, Çin rəhbərliyi nüvə arsenalının gücləndirilməsinə ABŞ-ı Tayvanla bağlı potensial münaqişədə birbaşa iştirakdan çəkindirmək vasitəsi kimi görür.
Bundan əlavə, bu silahlara diqqətin artması Vaşinqtonun ölkə hökumətini devirməyə cəhd edə biləcəyi qorxusu ilə əlaqələndirilir.
Qəzet qeyd edir ki, eyni zamanda, Çin hakimiyyəti nüvə silahından ilk istifadə etməməkdə qərarlıdır.
“Pekin arsenalını Çinin təhlükəsizlik maraqlarını təmin etmək üçün lazım olandan artıq saxlamağı planlaşdırmır”, - nəşr yazır.
Çin ordusunun ABŞ-ın potensial zərbəsini effektiv şəkildə qarşısını almaq üçün öz arsenalını köhnəlmiş hesab etdiyi iddia edilir.
Mənbələrin bildirdiyinə görə, Çin Ukraynadakı vəziyyətə görə nüvə siyasətində heç bir düzəliş etməyib.
