ABŞ bu ölkəyə 1 milyard dollarlıq helikopter satır
15 aprel, 2022 08:57
ABŞ Dövlət Departamenti Nigeriyaya 1 milyard dollar dəyərində hücum helikopterlərinin satılmasına razılıq verib.
Bu barədə ABŞ Müdafiə Nazirliyinin Müdafiə Təhlükəsizliyi Əməkdaşlıq Agentliyi məlumat yayıb
Müqaviləyə 24 ədəd "Bell AH-1Z Viper" helikopterinin və müvafiq avadanlıqların satılması daxildir. Departament satış barədə Konqresə məlumat göndərib. Konqres razılıq verdikdən sonra satış həyata keçiriləcək.
Agentlik bildirir ki, təklif edilən bu satış Afrikada strateji tərəfdaşın təhlükəsizliyini yaxşılaşdırmaqla ABŞ-ın xarici siyasət və milli təhlükəsizlik məqsədlərinə dəstək olacaq.
