"Biz NATO-nun Rusiya ilə müharibəyə hazır olmadığı üçün utanc hissi keçirməliyik" - "Daily Express" nəşri
Britaniyalı general NATO- nun Rusiya ilə müharibəyə hazır olmadığı barədə xəbərdarlıq edib.
Britaniyalı general Riçard Berronsdan soruşublar ki, Ukraynada "xüsusi əməliyyat"ın hansı inkişaf ssenarisi NATO- nu Rusiya ilə münaqişəyə cəlb edilməsinə məcbur edə bilər. Bu suala cavabında o, Qərb üçün xoşagəlməz həqiqəti etiraf edib.
Bu barədə Böyük Britaniyanın "Daily Express" nəşri yazıb.
General Riçard Berrons Böyük Britaniya parlamentinin müdafiə məsələləri üzrə komitəsində dinləmələr zamanı xəbərdarlıq edib.
Çərşənbə axşamı NATO Silahlı Qüvvələri Birləşmiş komandanlığının sabiq rəhbərindən hansı məqamda Rusiya ilə döyüşməkdən savayı çıxış yolu qalmayacığını izah etməyi xahiş ediblər. Alyans üzvləri münaqişənin əvvəlindən Ukraynaya silahlar, maliyyə və digər yardımlar edib, lakin baş verənlərdə birbaşa iştirakdan qaçmaq üçün birgə səylər göstərib.
NATO ikinci dünya savaşından sonra yaradılıb və onun bütün iştirakçıları alyansa daxil olmayan ölkəyə hücum zamanı birgə müdafiəni təmin etmək barədə razılığa gəlib. Alyans, əsasən, müdafiəyə yönəlik yaradılıb, təşkilatın üzvü olmayan Ukraynadakı münaqişədə NATO onu gərginliyi artırmadan müdafiə edə bilmir.
General Berrons bəyan edib ki, əgər Rusiya qüvvələri böyük uğurlar əldə edərsə və ya Ukraynanın çox hissəsi təhlükəyə məruz qalarsa, təşkilata "qərar vermək" lazım gələcək. "Və bu qərar o zaman asan olardı ki, mövcud şəraitdə lazımi sürətlə hərəkət etmək üçün bizim hazırlığımız olardı, belə hazırlıq bizdə yoxdur", - o, belə deyib.
Generaldan Ukraynada münaqişədə hansı ssenarilər NATO- nun müdaxiləsinə gətirib çıxara biləcəyi barədə sual ünvanlanıb.
"Ukraynadakı hadisələr Putini əməliyyatları NATO- nun başqa hissələrinə yayılmasına məcbur edə bilər. Bu halda məsələ daha asan olacaq, çünki qarşılıqlı müdafiə haqqında biz 5- ci maddənin pozulmasi ilə üzləşəcəyik", - o, belə deyib.
"Nədən biz NATO ilə Rusiya arasında müharibədən qaçmağa çalışırq?" sualına cavabında general deyib ki, bunun səbəbi NATO- nun buna hazır olmamasıdır. Və biz buna görə utanc hissi keçirməliyik.
Xatırladaq ki, NATO- nun yay sammitində general deyib ki, hərbi potensial sahəsində "Rusiya ilə qüvvələr balansının bərpası" prioritet məsələ olmalıdır ki, Moskva NATO ilə "mübahisəli məsələlərdə diktə etməsi barədə bir daha düşünməsin".
