"Avropa təhlükədədir" - Cozef Borrell
21 aprel, 2022 01:51
"Bu gün heç kim buna şübhə etmir ki, Avropa təhlükədədir".
Bunu Avropa İttifaqının xarici işlər və təhlükəsizlik siyasəti üzrə ali nümayəndəsi Cozef Borrell Madriddə keçirilən konfransda bildirib.
Aİ diplomatiyasının rəhbəri Ukrayna ətrafında mövcud vəziyyəti, "İkinci Dünya Müharibəsindən bəri Avropada ən ciddi təhlükəsizlik böhranı" adlandırıb.
Konfransdan sonra jurnalistlərə açıqlama verən Borrell Rusiyanın “Sarmat” qitələrarası ballistik raketini sınaqdan keçirməsinə münasibət bildirməsə də, “Rusiya hazırda açıq şəkildə təhlükədir, Ukraynanı işğal edib”, - deyib.
"Biz Ukraynaya bacardığımız qədər kömək edirik, münaqişənin diplomatik həll yollarını axtarırıq", - o əlavə edib.
