"Ruslar Putindən qurtulmalıdırlar" - Pol Qobl
22 aprel, 2022 10:45
“İnanmıram ki, Moskva mayın 9-dan əvvəl Ukraynanın bütün Qara dəniz sahillərini ala biləcək, amma buna mütləq cəhd edəcək”.
Bu sözləri amerikalı politoloq Pol Qobl deyib.
O, Rusiyanın hədəflərinə çatmaq üçün Ukraynadakı infrastrukturun böyük hissəsini məhv etməyə hazır olduğunu düşünür:
"Məncə, açıq-aşkar hərbi təcavüzdə pauza olacaq, lakin Moskva öz səyləri ilə digər ölkələri də işğal etməyə çalışacaq.
Düşünürəm ki, Putinin ritorikası aqressiv olaraq qalacaq, lakin bu, onun dərhal nələrisə etmək üçün hərəkətə keçəcəyi mənası vermir. Məncə, qələbə kimi iddia ediləcək heç nə baş verməyəcək. Ümid edirəm ki, ruslar itirdiklərini etiraf etməli, Putin və onun sistemindən qurtulmalıdırlar”.
