Iranla Əfqanıstan arasında əsas keçid məntəqəsi bağlandı - Bu, narkotik ticarətinə necə təsir edəcək?

İran və Əfqanıstan sərhədçiləri arasında baş verən atışmalardan sonra şənbə günü Herat əyalətində iki ölkə arasındakı əsas keçid məntəqəsi bağlanıb. 

Xarici KİV-lər xəbər verir ki, bu, Herat vilayətinin İslam Qala rayonunda “Taliban”ın İran qüvvələrinin sərhəd zonasında maneə törətdiyi yolu asfaltlamaq istəməsindən sonra baş verib.

İranın Əfqanıstan üzrə xüsusi nümayəndəsi Həsən Kazemi Qomi mətbuata açıqlamasında məsələni təsdiqləyib və əlavə edib ki, “Taliban” sərhədi pozan sərhəd zonasında yol çəkmək istəyir.

İslam Qala bölgəsi komissarının müavini Mövlavi Homayun Hemat İran qüvvələrinə məxsus avtomobilin Əfqanıstan tərəfinə keçdiyini və yerli rəsmilər tərəfindən ələ keçirildiyini bildirib.

Hər iki tərəf vəziyyətin gərginləşə biləcəyini nəzərə alaraq, qüvvələrini yüksək hazırlıq vəziyyətinə gətirib. Hələlik Əfqanıstan İslam Əmirliyi (IEA) tərəfindən məsələ ilə bağlı heç bir şərh verilməyib. H.K.Qomi məsələnin birgə sərhəd komissiyası vasitəsilə həllini təklif edib.

Bu, “Taliban” hakimiyyətə gələndən sonra onunla İran sərhədçiləri arasında ikinci sərhəd toqquşmasıdır.