ABŞ-dan Gürcüstana növbəti hərbi yardım - Bu dəfə 35 milyon dollarlıq
ABŞ Gürcüstana 35 milyon dollar dəyərində hərbi yardım göndərəcək.
Bu barədə ABŞ Dövlət Departamenti məlumat yayıb.
ABŞ Dövlət katibi Entoni Blinken və müdafiə naziri Lloyd Ostin aprelin 25-də Kiyevə səfər ediblər. Amerikalı rəsmilər ABŞ-ın Ukrayna daxil olmaqla 15 müttəfiqi və tərəfdaşının müdafiə qabiliyyətini gücləndirmək üçün əlavə 713 milyon dollar hərbi yardım göstərəcəyini bildirib.
713 milyon dollarlıq xarici hərbi yardımın 322 milyon dolları Ukraynanın müdafiə qabiliyyətini gücləndirmək üçün istifadə olunacaq. Qalanı isə Balkanlar, Mərkəzi və Şərqi Avropa ölkələrinə paylanacaq. Bu ölkələr arasında Gürcüstan da var.
“Gürcüstana 35 milyon dollarlıq yardım veriləcək, bu yardıma döyüş texnikası, pilotsuz uçuş aparatları ilə mübarizə sistemləri, artilleriya sistemləri, mobil rabitə və kibermüdafiə vasitələri daxildir”, - Dövlət Departamentinin bəyanatında deyilir.
