"Birtərəfli qaydada sülh dilənmək olmaz" - Seyran Ohanyan
Birtərəfli qaydada sülh dilənmək olmaz. Onu güclə, qüdrətlə, milli və beynəlxalq təhlükəsizlik təminatları ilə əldə edirlər.
Bunu aprelin 29-da “Ermənistan” müxalifət blokunun parlament fraksiyasının rəhbəri Seyran Ohanyan müqavimət hərəkatının Gümrünün mərkəzində yürüşü öncəsi deyib.
Keçmiş müdafiə naziri hesab edir ki, indiki hakimiyyət ölkəni saxta sülh dövrünə aparır. Onun sözlərinə görə, son bir il yarımda hakimiyyət ordunun müdafiə qabiliyyətinin artırılması və mövcud sərhədlərin möhkəmləndirilməsi istiqamətində heç bir addım atmayıb. Eyni zamanda, müxalifətçinin də qeyd etdiyi kimi, hakimiyyət hökümət binasının və öz hakimiyyətinin müdafiəsini gücləndirir.
O, əmindir ki, hakimiyyət təzyiq altında olduğundan beynəlxalq təminatlardan məhrum olub.
“Bu təzyiqlər həm xarici ölkələrdən, həm də Türkiyə və Azərbaycandan gəlir”, - deyə Ohanyan vurğulayıb
Siyasətçi əhalini Ermənistan və Qarabağın təhlükəsizliyi naminə hazırkı mübarizədə birləşməyə çağırıb.
“Hazırkı mübarizə bizim Türkiyə və Azərbaycanın qarşısında diz çökməməyimizi təmin etmək məqsədi daşıyır”, - parlamentdəki müxalifət fraksiyasının rəhbəri bildirib.
