Ermənistan müxalifəti itaətsizliyə başlayır - VİDEO
Ermənistan paytaxtında növbəti etiraz aksiyası başlayıb.
Bununla bağlı erməni mediasına istinadən xəbər verir.
“Bu andan başlayaraq, Fransa meydanı xalqa məxsusdur, bu andan etibarən Ermənistan hakimiyyətində xalqdır”.
Bunu Müqavimət Hərəkatının koordinatoru, Ermənistan parlamentinin vitse-spikeri İşxan Saqatelyan mayın 1-də Fransa meydanında keçirilən böyük mitinqdə bildirib.
O daha sonra bildirib:
“Bu günü bu meydanda keçirəcəyik, sonra çadırlar quracağıq ki, burada gecələyə bilək. Sabah saat 08:30-da genişmiqyaslı itaətsizlik aksiyalarına başlayacağıq
Bu gün, saat 08:30-dan etibarən biz hakimiyyətdən məhrumetmə prosesinə başlayacağıq: bu, hakimiyyətin ələ keçirilməsi deyil, Ermənistanın layiqli vətəndaşlarının Ermənistan, Artsax adına türk təbəələri ilə mübarizə aparmaq və erməni xalqının onları hakimiyyətdən uzaqlaşdırmaq üçün konstitusion hüququdur”-Saqatelyan bildirib.
"Bu gün burada qalmağa qərar verən vətəndaşlar, sabah saat 08:15-də Fransa meydanında olun”-o, deyib.
Saqatelyan deyib ki, sabah İrəvanda çoxsaylı binalar bağlanacaq.
Bir neçə dəqiqədən sonra polislə etirazçılar arasında toqquşma başlayıb. Səbəb sonuncuların Moskva küçəsi ilə Maştots prospektinin kəsişməsini bağlaması olub. Polis ərazidə çoxlu qüvvə cəmləşdirib, lakin kəsişmə bağlı qalıb.
