Şimali Koreya lideri nüvə silahından hansı halda istifadə edəcəyini açıqladı
02 may, 2022 10:33
"Ölkəmizin nüvə potensialını artırmaq üçün mümkün qədər tez addımlar atmağa davam edəcəyik".
Xarici KİV-lər xəbər verir ki, bunu Şimali Koreya lideri Kim Çen In Şimali Koreya Silahlı Qüvvələrinin yaranmasının 90-cı ildönümü münasibətilə keçirilən mərasimdə çıxışında deyib.
Kim Çen In Şimali Koreyanın “düşmən qüvvələr” tərəfindən təhdid ediləcəyi təqdirdə, “önləyici müharibə” çərçivəsində nüvə silahından istifadə edəcəyini bildirib.
Şimali Koreya liderinin bu sözləri onun rəqibləri, xüsusilə ABŞ, Cənubi Koreya və Yaponiyaya qarşı hədə-qorxu kimi qiymətləndirilib.
